يا طير الصاف

السلام عليكم
هذه قصيدة (يا طير الصاف ) لطمية روعة للملا باسم الكربلائي
وهي من اشعار الأديب جابر الكاظمي


كَبل متروح و اتهاجر يطير الصاف تانيني
إخذني اوياك لحبابي و على الجنحان خليني
و أدور وين أبويه احسين
*****
كَبل ميطوح الحادي كَبل ما ياخذ الاحباب
ترجيته بدمع يطفح مثلما يطفح الخنياب
ايهداك الله يحاديهم تهده و لا تسوكَ الناب
مشى و لا جلمه من عنده سمعت و لا سمعت اجواب
جزه و بالمسره كل خطوه أحس تركت جرح و اصواب
و تباريهم غدت عيني و تصد لما شبحهم غاب
يطير الصاف عافوني و أنه الياويل يبرالي
أصد للبيت بعيوني و أشوف البيت ظل خالي
كَطع لا وين أبويه احسين
****
عساها اتهدمت داري عليّ و ريت موتي حان
و عسه بروحي الأجل ينعه و لا أسمع حدي الركبان
أحاجي الدار و أسألها بعد هم ترجع الوليان
سكوت و لا جواب أسمع مظلمه و موحشه الجدران
على افراش المرض جسمي و أرامح رمحت الغركَان
و اترجه جرف صبري لعله ايخفف الأحزان
عساه الموت يلفيني يطير الصاف و أتمنه
و لا دنياي أكَضيها على الآهات و الونه
كَصد للبين أبويه احسين
*****
صحت ولياي عافوني ودواهي البين حاطتني
مثل حال أم ولد مذبوح يطير الصاف خلتني
عليّ تتغاير اهمومي غصص دنياي ذهلتني
غصص ما ينحمل همها اعله نعش الموت شالتني
عليله و من زغر سني نحيله و المرض فتني
يطير الصاف و الدنيه اشكثر لوعات راوتني
على اللوعات اتسند و أطيح اردود من همي
و أدير العين و اتلفت أبويه احسين مويمي
ترك جرحين أبويه احسين
*****
جرح من لوعة افراكَه حفر من الدمع خدي
جرح ثاني جرح جتال من سيل المرض يدي
عفاني اشلون هلجرحين ما كَطعن هرش جبدي
اعل هالحاله يطير الصاف جزيت من الصبر حدي
سواد الليل يلفيني و اكَولن يكَضي و يعّدي
و أصيح اشمطولك يا ليل و لا نسمة صبح تبدي
أون و الليل ما يرحم ونيني و سيل عبراتي
و أنا المليت من همي نحيب و نار حسراتي
أجيب من انين أبويه احسين
****
حجيت آنه ويه حاديهم كبل ما بالظعن يطلع
الحادي ما بدالي اجواب ترك موح الجفن ينبع
حجيت النوب ويه الدار محاجي اوياها ما تنفع
حجيت ويه النجم و الليل ما منهن جواب أسمع
حجيت ويه النسيم الهاب جواب النسم ما يرجع
عفتهن كلهن و جيتك يطير الصاف بالمدمع
أريد اجواب من عندك حليفة نوح تدريني
أمشّي اعليك بارينه يطير الصاف حاجيني
تريد العين أبويه احسين
*****
لونك رايد اتهاجر توانه وياي و اتمهل
أشد روحي اعله جنحانك و اخذني اوياك من ترحل
نروح و نكَطع البيده ندور عن هلي و نسأل
و نتخطه اعله ظهر الغيم عسه المايوس يتحصل
يطير الصاف و ارد اوصيك لونك شاهدت محمل
برخه اعله الكَاع نزلني الكَلب ما عاد يتحمل
حملت اهموم لو صبت على الجلمود يتفطر
بغياب احسين شب كَلبي و صليل احشاي يتوجر
شعل نارين أبويه احسين
*****
صدكَ نرحل يطير الصاف و على اجناحك تخليني
و صدكَ نوصل لعد أهلي و أشوفن والدي بعيني
البيابي اصبيهن أهدي لك لون لهلي توديني
و الك ثلثين من عمري يا مكَصر عمري و اسنيني
رياحين العمر ذبلت و لا خفكَه برياحيني
و اباري امناحر امصابي ثجيل الهم يباريني
لظل حسرات هيمني همت و الروح مفجوعه
بسكَم بلواي محتاره حرت ما بين هاللوعه
حرت ما بين أبويه احسين
*******